Na,Isack,e simu 0717 307 056
Utangulizi
Tunapozungumza neema maana rahisi kabisa ni upendeleo wa
kupata kitu au jambo Fulani ambalo
hukustahili kupata.mfano:- kupata upendeleo
wa marks darasani,au kupata mshahara tofauti na wenzako ambao mko daraja
moja,au kumilikishwa kitu cha thamani ambacho kwakawaida usingeweza kuwanacho.
Katika lugha ya kiingereza kwa mujibu wa free media
dictionary ameeleza kwa kiingereza kuwa “grace is the state of being protected
or sanctified by the favor of God”. Hivyo kwa namna nyingine neema ni hali ya
kulindwa au kuokolewa kutoka dhambini kwa upendeleo wa Mungu.
Hivyo tunaposema kutembea katika neema ya Mungu inamaana ni
kutembea au kuenenda kwa upendeleo na si vinginevyo,tofautisha neema na rehema,rehema ni msamaha unaoweza kupewa na mtu
uliyemkosea. Bwana Yesu asifiwe sana.
Tunaishi tunavyoishi na tunatenda tunayotenda sio kwa sababu
tunajua sana au tunauwezo mkubwa sana wa kufanikisha mambo yanayotuzunguka,
hapana upo mkono usioonekana kwa macho ya nyama unaotuwezesha kuwa hivi tulivyo
sio kwa ujanjaujanja wako.
Mafundisho
Ukiangalia katika maandiko asili ya mtu halisi aliyeumbwa na
Mungu sio kuishi maisha ya kushindwa au kupata shida ni mtu ambaye aliumbwa kwa
mfano halisi wa Mungu soma mwanzo 1:26,ili kumiliki na kutawala,lakini baadae
tunaona mwanadamu huyohuyo anaanza kutembea katika mwanvuli unaitwa neema
kwanini?.Tunatembea katika neema kutokana na sababu zifuatazo ambazo moja imesababishwa na Mwanadamu,nyingine
imesababishwa na Mungu
mwenyewe:-
1. Kwa sababu tumetenda dhambi
rumi 3:23 “sote tumetenda dhambi na hiyo dhambi ilifanyika
zamani sana,hivyo kitendo cha kuwepo neema ni kwasababu dhambi ilichukua haki
yetu/uwezo wetu wa kumiliki adui aliuchukua.
hivyo hakukuwa na sheria yoyote ya kushindana na dhambi, hata
leo yamkini umejitahidi sana kuacha dhambi ukifikiri kwamba labda unaweza kwa
nguvu zako au kwa akili zako,kwa kujitahidi huwezi hii ni kwa sababu ya dhambi soma rumi 5:20,gal 3:19.ina maana kwamba kabla
ya dhambi hakukuwa na sheria na sheria hiyo ilikuja ikiwa bado ni plani ya
Mungu kumwondoa mwanadamu katika dhambi,na hivyo kwa kutilia mkazo sheria hiyo
alikuja kristo ili kuikamilisha. lakini kupitia kristo tunaona neema
inapatikana,rumi 5:17 hallelujah.
2. kwa sababu ya upendo wa Mungu mwenyewe
Neema ni upendo kamili wa Mungu hakuna namna unaweza kuchomoka
katika mtego wa adui pasipokuwepo upendo,upendo una huruma ndani yake,upendo
unaagano ndani yake, upendo,upendo unakupa kumiliki,upendo unaruhusu kibali yoh
3:16-17.
Hivyo upendo unatupa
kupata neema kwasababu:-
i. neema ni
ahadi ya imani kupitia kristo gal 3:19-12
ii. neema
inatupa kibali cha kuwa warithi pamoja na kristo gal 3:28,29
ni neema pekee inayowezesha mimi na wewe kuishi hivyo
tunavyoishi wala sio kwa sababa tunamjua
sana Mungu pia masomo yako,maisha yako future yako inategemea sana neema ya
Mungu ili kufikia pale ambapo Mungu anakuwa amekusudia.
Hitimisho
Kumbuka hukuja na kitu chochote hapa duniani ulikuja wewe
ukiwa umebeba kusudi la Mungu tu na kwa kufanya hivyo Mungu haangalii kitu kingine
anaangalia neno lake alilolitamka kabla hujazaliwa ili lipate kutimia.jitoe kwa
Bwana kama dhabihu uone mambo ambayo Mungu atakufanyia .soma rumi 12:1,2
BWANA YESU AKUBARIKI SANA
Sign up here with your email
ConversionConversion EmoticonEmoticon